Hafnaðar færslur og færsluvillur

Hvernig á að skilja og leysa færsluvillur

Kynning

Hafnanir á kortafærslum geta truflað sölu og valdið óánægju hjá bæði fyrirtækjum og viðskiptavinum. Þessar villur valda óvissu, hvort sem þær verða til við afgreiðslu, í raðgreiðslum eða þegar unnið er úr endurgreiðslum. Með því að greina ástæðuna á bak við færslu sem fer ekki í gegn geta söluaðilar brugðist fljótt við og bætt upplifun viðskiptavina.

Greiðslur fara í gegnum nokkur samþykkisskref áður en þær eru afgreiddar. Hafnanir geta komið upp vegna þess að innistæðan er ekki næg, kortið er með takmarkanir eða tæknilegar villur komu upp. Þessi leiðarvísir lýsir algengum færsluvillum í myPOS tækjum, ástæðum þeirra og lausnum.

Hvað er færsluvilla?

Færsluvilla gerist þegar ekki er hægt að afgreiða greiðslutilraun vegna vandamála með kortið, útgáfubankann, posann eða vinnsluna. Hver villa er með eigin kóða og skilaboð sem útskýra ástæðuna fyrir höfnuninni. Skilningur á þessum kóðum hjálpar söluaðilum að ákveða hvort þeir eigi að reyna færsluna aftur, leiðbeina viðskiptavininum eða leita aðstoðar.

Tegundir færsluvillna

Færsluvillur falla almennt í eftirfarandi flokka:

• Villur sem tengjast korti – Vandamál með greiðslumáta korthafans, til dæmis ekki næg innistæða, útrunnið kort eða rangt PIN-númer var slegið inn.
• Takmarkanir útgefanda – Útgáfubankinn lokaði á færsluna vegna reikningstakmarkana eða af öryggisástæðum.
• Villur sem tengjast posa – Stillingarnar í myPOS posanum koma í veg fyrir ákveðnar færslutegundir.
• Tæknileg eða nettengd vandamál – Vandamál með dulkóðun, sannvottun eða samskipti á milli kortsins, posans og bankans.

Hér á eftir er listi yfir algengustu færsluvillurnar og lausnir á þeim.

Listi yfir algengar myPOS færsluvillur

Villur sem tengjast korti

• 04 – Tilkynnt kort Kortið hefur verið tilkynnt stolið eða óöruggt. Ekki halda áfram með færsluna. Biddu viðskiptavininn um að hafa samband við kortaútgefandann og nota annað kort.
• 41 – Týnt kort Korthafinn hefur tilkynnt kortið sem týnt. Ekki halda áfram Biddu viðskiptavininn um að hafa samband við bankann sinn.
• 43 – Stolið kort Þetta kort er merkt sem stolið. Ekki ljúka við færsluna. Biddu viðskiptavininn um að hafa samband við kortaútgefandann.
• 51 – Ónæg innistæða Það er ekki næg innistæða á reikningnum. Ráðleggðu annan greiðslumáta eða biddu viðskiptavininn um að hafa samband við bankann sinn.
• 54 – Útrunnið kort Gildistími kortsins er liðinn. Viðskiptavinurinn þarf að nota annað kort eða biðja bankann sinn um nýtt kort.
• 55 – Rangt PIN Innslegið PIN-númer er rangt. Biddu viðskiptavininn um að reyna aftur. Ef vandamálið leysist ekki ætti hann að hafa samband við bankann sinn.
• 65 – Farið yfir hámarksfjölda úttekta Hámarksfjölda leyfilegra færslna fyrir kortið hefur verið náð. Biddu viðskiptavininn um að hafa samband við bankann sinn.
• 75 – Farið yfir hámarksfjölda PIN-tilrauna Rangt PIN-númer var slegið inn of oft, kortið er læst. Viðskiptavinurinn ætti að hafa samband við bankann sinn eða nota annan greiðslumáta.

Takmarkanir útgefanda

• 57 – Útgefandi heimilar ekki færsluna Útgáfubankinn leyfir ekki þessa tegund færslu. Viðskiptavinurinn ætti að hafa samband við bankann sinn eða nota annað kort.
• 61 – Farið yfir úttektarmörk Upphæð færslunnar er yfir úttektarmörkum korthafans. Viðkomandi þarf að hafa samband við bankann sinn eða nota annað kort.
• 62 – Takmarkað kort Kortið er með takmarkanir sem útgefandinn setti á. Viðskiptavinurinn ætti að hafa samband við bankann sinn.
• 63 – Öryggisbrot Öryggisvandamál greindist. Viðskiptavinurinn verður að hafa samband við útgefandann til að fá upplýsingar.

Villur sem tengjast posa

• 58 – Færsla ekki leyfð í posa Posinn hefur ekki heimild til að vinna úr þessari tegund færslu. Söluaðilar skulu athuga stillingar myPOS-reikningsins og athuga með takmarkanir á innistæðum eða ógildum færslum.

Tæknilegar eða nettengdar villur

• AF/TR/TR-02/TR-11/CC/EE – Færslu hafnað Hugsanlegar ástæður eru meðal annars:
  • Kortið var fjarlægt of snemma, sem truflaði samþykktarferlið.
  • Posinn gat ekki dulritað skilaboðin eða unnið úr færslunni.
  • Posinn þekkir ekki tegund kortsins.
  • Ógilt PIN snið.
  • Ógild færslugögn.
  • Upplýsingar um söluaðila eða posa vantar.
  • Gjaldmiðill kortsins er ekki sá sami og gjaldmiðill posans.
  • Útgefandinn samþykkti færsluna en kortið hafnaði því.
  • Viðskiptavinurinn hætti óvart við færsluna með því að ýta á rangan hnapp.
  • Dulkóðunarvilla.

Prófaðu að gera færsluna aftur. Ef vandamálið leysist ekki þarf að athuga tengingu posans eða nota annan greiðslumáta eða annað kort.

• PE – Ógildur forheimildarkóði Innsleginn forheimildarkóði er rangur. Sláðu inn réttan kóða.

Viðbrögð þegar færslu er hafnað

Þegar færsla tekst ekki í myPOS-tæki skaltu gera eftirfarandi:

1. Greindu villukóðann Skoðaðu skilaboðin sem birtast í posanum.
2. Segðu viðskiptavininum frá Útskýrðu hvers vegna færslunni var hafnað og komdu með tillögur að mögulegum lausnum, til dæmis að nota annað kort eða hafa samband við bankann.
3. Reyndu greiðsluna aftur Reyndu að gera færsluna aftur ef vandamálið er tímabundið.
4. Bjóddu annan greiðslumáta Bjóddu upp á aðra leið til að greiða ef kortinu er áfram hafnað.
5. Athugaðu stillingar tækisins Ef vandamálið tengist posanum skaltu athuga hvort einhverjar takmarkanir séu á myPOS-reikningnum.
6. Leitaðu eftir aðstoð Hafðu samband við þjónustudeild myPOS ef vandamálið leysist ekki.

Lokaorð

Færsluvillur geta hægt á sölu en söluaðilar geta brugðist hratt við ef þeir skilja ástæðurnar á bak við villurnar. Fyrirtæki geta gert greiðsluupplifunina þægilegri og lágmarkað tapaða sölu með því að þekkja villukóðana og bregðast rétt við.

Ef þig vantar aðstoð með þessi skref skaltu endilega hafa samband við okkur í help@mypos.com